मधुमेह अर्थात शुगर हा एक कॉमन आजार झाला आहे. हा आजार अनेकांना त्रासदायक वळवणार देखील घेऊन जातो. हा आजार पूर्णपणे बरा होऊ शकत नाही.
परंतु आपल्या जीवनशैलीत जर काही बदल केले तर यावर नक्कीच नियंत्रण ठेवता येते. अशा काही गोष्टी ज्या आपण फॉलो करून आपला मधुमेह नियंत्रणात आणू शकतो. चला जाणून घेऊयात त्याबद्दल –
मधुमेहाच्या रुग्णांनी ‘हे’ बेडटाइम रूटीन फॉलो करावे
कॅफिनचे सेवन कमी करा – मधुमेहाच्या रुग्णांसाठी रात्री झोपण्यापूर्वी चहा, कॉफी, चॉकलेट आणि सोडा यासारख्या कॅफिनयुक्त पदार्थांचे सेवन करू नये. कॅफिनयुक्त गोष्टी तुम्हाला जागृत ठेवतात ज्यामुळे तुम्हाला झोप येत नाही. यासोबतच अल्कोहोलचे सेवन कमीत कमी प्रमाणात करणे गरजेचे आहे. याचा तुमच्या झोपेवरही वाईट परिणाम होतो.
फिजिकल एक्टिविटी –
झोपण्यापूर्वी कोणत्याही प्रकारची शारीरिक क्रिया आपल्या शरीरासाठी खूप फायदेशीर ठरू शकते. याने ताण कमी होतो. झोपण्यापूर्वी किंवा रात्रीच्या जेवणानंतर फेरफटका मारल्याने तुमची साखरेची पातळी रात्रभर स्थिर राहण्यास मदत होते. तथापि, हे सर्व झोपण्याच्या एक ते दीड तास आधी करण्याचा प्रयत्न करा.
पुरेशी झोप घेणे आवश्यक :
तज्ज्ञांचे म्हणणे आहे की रक्तातील साखरेची पातळी नियंत्रित ठेवण्यासाठी पुरेशी झोप घेणे आवश्यक आहे. मधुमेहाच्या रुग्णांसाठी तुम्ही रोज ६ ते ८ तासांची झोप पूर्ण करणे आवश्यक आहे.
फास्टफूड टाळाच :
मधुमेहाच्या रुग्णांना वारंवार भूक लागते. त्यामुळे भूक लागल्याने ते विविध पदार्थ खातात. विशेषत: रात्री त्यांना भूक लागते. अशा परिस्थितीत लोक जंक फूड, चिप्स, खारट, गोड इत्यादी पदार्थांचे सेवन करू लागतात. या सर्व गोष्टी रात्री खाल्ल्याने तुमचे वजन वाढू लागते आणि रक्तातील साखरेची पातळीही वाढते.
शुगर लेव्हल तपासत रहा –
मधुमेहाच्या रुग्णांनी शुगर वारंवार तपासत राहणे योग्य ठरते. रात्री झोपण्यापूर्वी आणि सकाळी उठल्यानंतर रक्तातील साखरेची पातळी तपासणे आवश्यक आहे.